స్టార్ మా టీవీలో ప్రసారమవుతున్న సీరియల్ ' ఎటో వెళ్లిపోయింది మనసు'(Eto Vellipoyindhi Manasu). ఈ సీరియల్ శుక్రవారం నాటి ఎపిసోడ్ -278 లో.....సీతాకాంత్ దగ్గరికి రామలక్ష్మి వస్తుంది. తప్పులు చేసేది ఒక సందీప్ అనుకున్నా కానీ ఆ లిస్ట్ లోకి ధన కుడా చేరాడని సీతాకాంత్ ఆవేశంగా మాట్లాడతాడు. ఇది ఒక అంతుకి మంచి అయ్యింది ఇప్పుడు నిజం బయటపడింది లేదంటే తప్పు మీద తప్పు చేస్తునే ఉండేవారని సీతాకాంత్ కి సర్దిచెప్పే ప్రయత్నం చేస్తుంటుంది రామలక్ష్మి.

ఆ తర్వాత జరిగింది గుర్తు చేసుకొని సిరి బాధపడుతుంటే.. అప్పుడే ధన వచ్చి నేను కావాలని అప్పు చెయ్యలేదు ఇంకొకసారి ఇలా ఎప్పటికి చెయ్యను కావాలంటే నీ కాళ్ళు పట్టుకుంటా అని రిక్వెస్ట్ చెయ్యగానే.. సిరి క్షమిస్తుంది. ఆ తర్వాత సందీప్, ధన, శ్రీవల్లి, శ్రీలతలు జరిగిన దాని గురించి డిస్కషన్ చేస్తుంటారు. అసలు ఆ శంకర్ గాడు అలా ఎలా వచ్చాడని సందీప్ అనగానే.. నేనే రప్పించానని శ్రీలత అంటుంది. అందరు షాక్ అవుతారు. అదేంటీ మీరు సేవ్ చేస్తారన్నారు.. ఇప్పుడు మీరే ఇలా చేశారని ధన అనగానే ఇప్పుడు తెలిస్తేనే సీతా అప్పు తీరుస్తాడు లేదంటే ప్రాబ్లమ్ అవుతుందని శ్రీలత చెప్తుంది.

సందీప్, ధన లకి సీతాకాంత్ ని నమ్మకంతో గెలవాలని, మీరు మారినట్టు తెలియాలని శ్రీలత చెప్తుంది. ఆ తర్వాత మరుసటి రోజు ఉదయం శ్రీలత చెప్పినట్లు సందీప్, ధనలు దేవుడు ముందు చేతిలో హారతి వెలిగిస్తారు. అది చూసి సీతాకాంత్, రామలక్ష్మి వచ్చి ఎందుకు ఇలా చేస్తున్నారంటూ అడుగుతారు. అందరి ముందు ఇద్దరు సింపథీ ట్రై చేస్తారు. కాసేపటికి సందీప్, ధనలకి మళ్ళీ ఏదో ప్లాన్ చెప్తుంది శ్రీలత. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.